Elnur Abdullazade

Mən Sumqayıtda yaşayıram və Sumqayıtda böyümüşəm. Sumqayıtın Gənclər Şəhəri olması onu bir çox sahələrdə irəli çəkib; idman, təhsil və s. Lakin, təəssüflər olsun ki, Sumqayıt gəncləri deyəndə göz önünə müsbət amillərlə yanaşı qorxunc bir məfhum da gəlir -- Narkomaniya... Narkomaniya həqiqətən də bu şəhərdə daha geniş yayılıb. Uşaqlıq xatirələrim Sumqayıtın hər tinində istəmədən qarşılaşdığım, qaşıqda alışqanla "mal" qızdırıb bir-birlərinin damarına "iynə" vuran cavan oğlan səhnələri ilə zəngindir. Son illərdə bu yöndə müəyyən qədər azalma olsa da narkomaniya Sumqayıtın acı reallığıdır. Elə buna görə də, hər nə qədər çox işlənmiş və təkrar mövzu olsa da bu mövzu mənə daha yaxın gəldi. Beləliklə, öz layihəmi bu sosial problemin üzərində qurdum. Filmin YouTube portalındakı linkini Facebook, Twitter, Google+ səhifələrimdə paylaşdım, artıq bir neçə saat ərzində onlarlara fərdi profil və bir neçə böyük səhifələrdə adminlər tərəfindən video paylaşıldı. Həmin səhifələrdən bir neçəsi bunlardır: Azxeber.com xəbər portalının səhifəsi -- 31 000-ə yaxın aktiv üzvü varAzadqadin.az saytının facebook səhifəsi -- 24 000-ə yaxın aktiv üzvü varBDU-Bakı Dövlət Universitetinin səhifəsi -- 20 000-dən artıq uzvü varAzərbaycan Kinosu facebook səhifəsi -- 13 000-dən artıq üzvü var Azərbaycan / Azerbaijan facebook səhifəsi -- 10 000-ə yaxın üzvü var BDU mətbuat xidməti facebook səfihəsi -- 1 500-ə yaxın üzvü var Bunlardan başqa onlarla fərdi profil və irili-xırdalı facebook səhifələrində də video adminlər tərəfindən paylaşılıb.